Kya Andheron k dukh kya Ujaalon k dukh
Jab Hara dein Muqadar ki Chalon k dukh

Jin ki Aankhain nahi wo na Roein kabhi
Jaan Jaein agar Aankh walon k Dukh

Meri Manzil kahan, Hamsafar hay kidhar
Maar dalein ge ab in Sawalon k dukh

Tum milay to tmhari Mohabbat nahi
Hijar se barh gai hein Wisalon k dukh

Do Ghari k liye Paas betho agar
Bhool jaein ge hum Kitnay Saalon k dukh

Meri Sochon k Jaltay howe Dasht se
Cheen le Aa k Apnay Khayalon k Dukh

 

Share this post