Silsillay Jo Waffa Key Rakhty Hain
Hoaslay Intiha Key Rakhtay Hain

Hum Kabhi Bad-Duwa Nahin Detay
Hum Salikay Duwa Key Rakhtay Hain

Un Key Daaman Bhi Jaltay Daikhay Hain
Wo Jo Daaman Bacha Key Rakhtay Hain

Hum Nahin Hain Shikast Key Qaail
Hum Safinay Jalla Key Rakhtay hain

Jis Ko Jaana Hay Wo Challa Jaye
Hum Diyye Sab Bujha Key Rakhtay Hain

Hum Bhi Kitnay Ajeeb Hain Aey! Dost
Dard Ko Dil Banna Key Rakhtay Hain

Share this post