Jab tasawwur mera chupke se tujhe choo PDF Print E-mail
User Rating: / 1
PoorBest 

 

Jab tasawwur mera chupke se tujhe choo aaye
Meri har saans se mujh ko teri khushboo aaye



Mashghala ab hai mera chaand ko takte rehna
Raat bar chain na mujh ko kisi pehloo aaye

Jab kabhi gardish-e-daoraaN ne sataaya mujh ko
Meri jaanib tere phaile huye bazoo aaye

Jab bhi socha ke shab-e-hij'r na ho gi raoshan
Mujh ko samjhaane teri yaad ke jugnoo aaye

 

Share this post


blog comments powered by Disqus